Më pak se një muaj para zgjedhjeve, pushteti vendor duket se ka përshpejtuar ritmin e investimeve, me qëllim për të fituar mbështetjen e qytetarëve që janë lënë në harresë për vite me radhë. Një nga shembujt më të fundit është fshati Moravë i Beratit, ku kanë nisur punimet për rehabilitimin e rrugës së amortizuar e cila prej më shumë se 30 vitesh nuk ka njohur asnjë ndërhyrje.
Ervin Demo, i cili deri disa javë më parë mbante postin e kryetarit të Bashkisë së Beratit dhe tashmë kandidat për deputet, ka kthyer vëmendjen nga ky fshat në prag të zgjedhjeve pavarësisht se ka pasur në dorë për të bërë më shumë kohë më pare kush ishte kryebashkiak.
Banorët shprehen se rruga ka qenë në gjendje të mjerueshme për dekada të tëra, por vetëm tani, kur afrohet vota, janë hedhur hapat e parë për shtrimin e saj me çakull dhe në disa segmente me asfalt.
Megjithatë, sipas tyre, ndërhyrja është e pjesshme dhe nuk zgjidh problemin real të lëvizjes, pasi një pjesë e madhe e rrugës mbetet sërish me gropa dhe e pakalueshme.
“Pershendetje JOQ! Ne fshatin Morave te qarkut Berat kanë filluar punimet e rruges e cila ka 30 vite e pa prekur , pa asnje investim te hedhur. Sipas "programit" te tyre ata janë duke rregulluar vetem nje pjese te vogel rruge e cila nuk favorizon asnje prej banoreve te fshatit te cilet kan dal te revoltuar sic shihet dhe nga videoja. Shpresoj qe kjo ankese te merret parasysh nga kryetari i bashkise se Beratit , Ervin Demo” shprehen banorët në një denoncim për JOQ Albania.
Banorët kërkojnë që investimi të mos mbetet një manovër elektorale e përkohshme, por të përfshijë të gjithë rrugën dhe të kryhet me standarde, në mënyrë që të përmirësohet realisht jeta e përditshme e komunitetit.
Në Zall-Bastar makinat e kanë rrugën e hapur për në lumë
— JOQ Albania (@JoqAlbania) April 15, 2025
Banorët e Zall Bastarit kanë ngritur një shqetësim serioz në lidhje me gjendjen e rrugës pranë qendrës së fshatit, e cila prej gati një viti është në rrezik shembjeje totale.
Siç duket edhe në pamjet e dërguara në… pic.twitter.com/FyPjMve5gY
