Fabian Shpata është 13-vjeçari që humbi jetën në aksidentin tragjik të ndodhur mbrëmjen e së hënës në vendin e quajtur “Stom Golem”, Shkodër.
I mituri po kthehej nga stërvitja bashkë me shokun e tij 16-vjeçar, kur ky i fundit humbi drejtimin e motomjetit me të cilin po lëviznin dhe u aksidentua.
16-vjeçari humbi jetën në vendngjarje, ndërsa Fabiani, i cili mbeti i plagosur rëndë nga ngjarja, ka ndërruar jetë këtë të martë në spital, si pasojë e plagëve të marra.
Fabiani ishte futbollist i talentuar i ekipit Djelmnia Shkodrane U13.
Ndarja e parakohshme e tij nga jeta ka tronditur familjarët, miqtë dhe ekipin ku ai luante e stërvitej çdo ditë.
“Lamtumirë Fabian...
> Sot zemrat tona janë të thyera… U nda nga jeta shumë herët, në moshën vetëm 13-vjeçare,
Fabian Shpati, një djalë i artë dhe futbollist i talentuar i ekipit Djelmnia Shkodrane U13.
> Një engjëll në fushë, gjithmonë me buzëqeshje, pasion dhe shpirt gare.
> Ikja jote e parakohshme na ka lënë pa fjalë, por kujtimi yt do të jetojë gjithmonë në zemrat tona.
> Pushofsh në paqe Fabian, fushat e parajsës tashmë kanë një kampion më shumë.
> Lutje për shpirtin tënd dhe ngushëllime të sinqerta familjes Shpati dhe të gjithë miqve e shokëve.”
