Vetëm katër ditë pas nisjes zyrtare të fushatës elektorale për zgjedhjet e 11 majit, është shënuar rasti i parë i arrestimit për korrupsion aktiv në zgjedhje.
Në pranga ka rënë një 38-vjeçar nga Lushnja, i identifikuar si Marin Leka, i cili akuzohet se i ka premtuar 500 euro një qytetari në këmbim të votës për Partinë Demokratike të drejtuar nga Sali Berisha, e cila në këto zgjedhje garon me 26 parti aleate.
Sipas burimeve zyrtare, gjatë kontrollit të ushtruar ndaj të dyshuarit, policia i ka gjetur kartën e identitetit të qytetarit Muharrem Toska, personit të cilit i ishte ofruar pagesa për votën. Pikërisht Toska ka qenë ai që ka denoncuar rastin pranë komisariatit të Lushnjës, duke çuar në ndalimin e menjëhershëm të Martin Lekës.
Vijojnë hetimet për të zbuluar nëse ka të bëjë me një rast të izoluar apo pjesë të një skeme më të gjerë blerjeje votash.
