Largimi masiv i shqiptarëve i ka detyruar punëdhënësit vendas të kërkojnë forcë punëtore nga vendet e largëta si Afrika e Azia.
Sipas të dhënave nga Agjencia e Punësimit dhe Aftësive, vitin e shkuar numri i shtetasve të huaj të pajisur me leje pune arriti në gati 13 mijë, një shifër ndjeshëm më e lartë se në vitet paraardhëse.
Punëtorët nga India, Bangladeshi e Nepali janë më të shumtë në numër për shkak edhe të lehtësirave burokratike mes shteteve.
Sektorët e preferuar për punësimin e të huajve janë shërbimet: hoteleri-turizëm dhe ndërtimi.
Duke u ndalur te ndërtimi përmendim Tiranën që është shndërruar në një kantier kullash shumëkatëshe e që shtohen dita-ditës.
E për të përballuar gjithë këtë fluks ndërtimesh, indianët u vijnë në ndihmë oligarkëve të këtij sektori.
Por duke qenë komod me rrogën dhe kushtet e punës në Shqipëri (viza, akomodimi, transporti e ushqimi), indianët po i bëjnë bisht punës dhe po i japin leksion shqiptarëve si të bëjnë të njëjtën gjë.
JOQ ALBANIA ka siguruar pamjet e një kantieri ndërtimi në mes të Tiranës dhe një punëtori indian i cili është futur në “depozitë” dhe vazhdon të luajë në celular ndërkohë që punëtorët e tjerë kalojnë aty pranë por askush s’e ndjen mungesën apo skemën e tij.
