Pas katër ditëve kërkimesh intensive nga toka dhe ajri, është gjetur i vdekur 27-vjeçari Ajet Lleshi nga Kishaj i Hasit. Trupi i tij u gjet në bjeshkët e Domajve të Hasit, në një vend të quajtur “Kurora e Mujës”, dhe nuk kishte dëmtime të jashtme.
Skuadra e kërkimit dhe banorët e zonës informuan se dyshimet e para janë se vdekja mund të ketë ndodhur për shkak të të ftohtit ekstrem, mbulimit nga bora, dhe ndonjë problemi shëndetësor.
Kjo hipotezë përforcohet edhe nga biseda e fundit telefonike me të atin, pas humbjes së kontaktit mesditën e së dielës, më 6 prill, ku i kishte thënë: “Babë, kam mbet në mal dhe jam sëmurë”.
