Një 29-vjeçare është shpallur në kërkim nga policia e Tiranës, sepse dyshohet se ka plagosur bashkëshortin e saj me thikë.
Bëhet fjalë për qytetaren me inicialet Xh. S., 29 vjeçe, e cila ka goditur bashkëshortin me thikë. Ende nuk dihet motivi që e ka shtyrë Xh.S. drejt këtij akti të rëndë.
Ngjarja ka ndodhur në banesën e çiftit dhe dyshohet se ndodhi pas një konflikti të çastit.
I plagosuri ndodhet në spital, jashtë rrezikut për jetën.
Ndërkohë policia po heton ngjarjen dhe është në kërkim të 29-vjeçares, që është larguar nga vendngjarja menjëherë pas incidentit.
