Aeroporti ndërkombëtar i Mynihut ka vendosur të tërhiqet nga roli i tij këshillimor në projektin e ndërtimit të aeroportit të ri në Vlorë. Sipas mediave gjermane, ky vendim u njoftua nga këshilli i qytetit të Mynihut dhe vjen si pasojë e protestave të shumta nga ambientalistët shqiptarë dhe të huaj, si dhe kritikave të vazhdueshme nga Komisioni Europian dhe Parlamenti Europian.
Mediat gjermane shkruajnë se, në Vjosë, që konsiderohet si lumi i fundit i egër i Evropës, po ndërtohet një pistë dhe kullë kontrolli. Qeveria atje po ecën përpara me ndërtimin e Aeroportit Ndërkombëtar të Vlorës – pavarësisht rezistencës së ashpër nga konservatorët vendas dhe kritikave nga Komisioni Evropian dhe Parlamenti Evropian.
Projekti ka një lidhje me Mynihun: Filiali i ‘Munich Airport GmbH’, Aeroportit Ndërkombëtar të Mynihut është duke vepruar si këshilltar. Siç u njoftua në Këshillin Bashkiak të Mynihut të martën (8 prill), Aeroporti Ndërkombëtar i Mynihut do të tërhiqet nga ky aktivitet në fund të prillit. Partia e Gjelbër e mirëpriti këtë në një deklaratë, por paralajmëroi se angazhime të tilla të dyshimta duhet të shmangen në të ardhmen.
