Një 26-vjeçar shqiptar ka humbur jetën në një aksident tragjik dhe të dyshimtë në Harlow, Angli.
Arlind Xhokola humbi jetën pranë rrugës Momples në Harlow, rreth orës 17:20 të së shtunës, më 29 mars. Makina që e përplasi u gjet pak metra më larg e braktisur dhe e djegur.
Deri më tani autoritetet britanike kanë arrestuar 5 persona si të dyshuar dhe përfshirë në aksident. Ata po po hetojmë gjithashtu për grabitjen e raportuar të një Ford Fiesta-je në Pennymead, Harlow, po atë ditë, rreth orës 16:00.
Jeremy Heath, 50 vjeç, nga Ladyshot, Harlow, u paraqit në gjykatë të enjten, më 3 prill, i ngarkuar me akuza për vrasje, grabitje dhe mbajtje të një thike në publik.
Pasi është hetuar më shumë, janë autorizuar akuza për grabitje, pengim të drejtësisë dhe mbajtje të një thike në publik kundër Joe Jones, 37 vjeç, nga Great Plumtree, Harlow.
Një burrë 50 vjeçar, nga Harlow, i arrestuar nën dyshimin për vrasje dhe grabitje, është lënë në burg ndërkohë që hetimet vazhdojnë.
Një burrë 39 vjeçar, nga Harlow, është në paraburgim dhe pret të merret pyetje për dyshimin e vrasjes dhe grabitjes.
Kjo ngjarje tragjike ka tronditur pa masë familjarët dhe miqtë e Arlindit që ishte me origjinë nga Burreli. ATA thonë se 26-vjeçari ishte një person shumë miqësor dhe mbështetës, që do të bënte gjithçka për çdo njeri, ishte i qetë dhe i gatshëm për të biseduar.
“Arlindi donte të ndihmonte të gjithë. Miqtë dhe familja mbështeteshin te ai. Ai ishte një njeri i qetë dhe i duruar. Ai ishte i respektuar dhe i dashur nga shumë njerëz dhe do të na mungojë. Arlindi na bëri të gjithëve të afroheshim me të dhe tani po e vajtojmë vdekjen e tij si një komunitet. Të gjithë jemi bashkuar nga kujtimet që ndajmë për të."
Ndërkohë e dashura e Arlindit në një dedikim prekës tha:
"Ai ishte një person i mrekullueshëm dhe i dhënë shumë pas familjes. Arlindi punonte në ndërtim për të ndihmuar familjen e tij dhe gjithmonë më thoshte se dëshironte të krijonte një familje. Ai ishte një person që ishte gjithmonë aty për të gjithë."
