Një rast i ri me kollë të keqe është raportuar në periudhën nga data 28 mars deri në ditën e djeshme, një më shumë se shtatëditori paraprak, kur nuk ishte raportuar asnjë rast, njofton sot Instituti i Shëndetit Publik (ISHP).
“Rasti është nga Kumanova, nga grupmosha 10 deri në 14 vjeç dhe i pavaksinuar me një vaksinë që përmban përbërësin e pertusisit. Rasti nuk është shtruar në spital, sqaron ISHP.
Në periudhën 2024/25, nga dita e djeshme, në territorin e vendit janë regjistruar gjithsej 1186 persona të sëmurë nga kolla e keqe.
Sipas të dhënave, incidenca më e lartë prej 265.1/100.000 banorë është regjistruar në Kratovë, në Shkup – 137.2/100.000 dhe 103.3/100.000 në Kumanovë.
ISHP rikujton se epidemia në territorin e qytetit të Shkupit është ende në vazhdim.
