Një pronare e një butiku nga Durrësi denoncoi dy ditë më parë publikisht në JOQ një rast mashtrimi nga një kliente, e cila rezulton të jetë mësuese në këtë qytet.

Sipas denoncimit, më 7 tetor 2024, klientja hyri në dyqanin e saj dhe mori veshje me vlerë 10,000 lekë. Në momentin e pagesës, ajo pretendoi se kishte harruar portofolin në makinë, e cila ndodhej në servis, dhe premtoi se do t’i shlyente paratë të nesërmen.

Duke e besuar fjalën e saj, pronarja e dyqanit ia dorëzoi rrobat, por pagesa nuk u bë kurrë. Pas gjashtë muajsh pritjeje, mesazhesh, telefonatash dhe paralajmërimesh, klientja vazhdoi me justifikime të ndryshme.

Ditën e sotme zysha ka shkruar se është penduar për veprimin që ka bërë dhe kërkon fshirjen e denoncimit të bërë nga pronarja e butikut pasi denigron figurën e saj. A DUHET FSHIRË POSTIMI?! VOTONI MË POSHTË ME PO ose JO

DENONCIMI FILLESTAR

”Përshëndetje JOQ,

Sot dua të bëj publik një rast mashtrimi nga një kliente, e cila është mësuese në qytetin e Durrësit. Më 7 tetor 2024, zonja erdhi në dyqanin tim dhe mori veshje me vlerë 10,000 lekë.

Në momentin e pagesës, më tha se kishte harruar portofolin në makinë, e cila ndodhej në servis. Më kërkoi t’i merrte rrobat me vete sepse i duheshin urgjent dhe premtoi se do të më sillte paratë të nesërmen. Me mirëbesim, ia dhashë. Kurrë nuk e prisja që një mësuese, një person që edukon brezin e ri, të vepronte kështu.

Pas 6 muajsh pritjeje, pas shumë mesazhesh, telefonatash dhe paralajmërimesh, ajo ka vazhduar vetëm me mashtrime. Madje, edhe një avokate e kontaktoi për të zgjidhur çështjen, por edhe atë e mashtroi.

Në shkurt, më tha: “Nëse nuk t’i sjell nesër, vepro si të duash.” Jemi në mars, dhe ende asnjë pagesë. Sot kam vendosur ta bëj rastin publik, me fotografi, emër dhe mbiemër. I kërkoj falje familjarëve të saj, por ky njeri nuk paska as dinjitet, as përgjegjësi.

Ju lutem merreni në konsideratë denoncimin tim. E kam vënë zonjën në dijeni që do ta bëja publik këtë rast, por ajo nuk është shqetësuar fare.

Unë e kam konsideruar këtë shumë të humbur, por të paktën dua të paralajmëroj dyqanet e tjera në qytetin tonë të mos bien pre e këtij mashtrimi.“

JOQ Sondazh

KLIKO PËR TË VOTUAR

Kush meriton të quhet “Heroi i muajit Mars”?

• 

  Peshkatari që shpëtoi parashutistin në det

  Një i moshuar, peshkatar i shpëtoi jetën ditën e djeshme një parashutisti grek që kishte rënë në det për shkak të një problemi teknik. Pavarësisht kushteve atmosferike, peshkatari nga Vlora mori gomonen e tij dhe doli në det për të shpëtuar parashutistin, i cili kishte mbetur i bllokuar në parashutë

  Voto431 Vota
• 

  Shqiptarja në Greqi që bashkoi Indritn me familjen

  Një shqiptare në Kostur të Greqisë ndihmoi një bashkatdhetar të bashkohej me familjen pasi prej muajsh jetonte i vetëm në një shtëpi të braktisur e rrënuar në Mavrochori. Indrit Veseli prej muajit gusht jetonte në Greqi, pa patur asnjë kontakt me familjen apo ndihmë prej tyre. Falë publikimit në JOQ dhe ndihmës së shqiptares, Indrit u bashkua me familjen

  Voto83 Vota
• 

  Qytetari që shpëtoi shoferin që humbi ndjenjat në timon dhe u aksidentua

  Një qytetar i shpëtoi jetën një shoferi i cili teksa lëvizte me makinë humbi ndjenjat dhe kontrollin e automjetit duke u aksidentuar. Ngjarja ndodhi në mes të Tiranës, por vetëm qytetari vrapoi duke kaluar rrugën për të shpëtuar shoferin, ndërsa të tjerët vazhduan rrugën e tyre sikur asgjë mos të kishte ndodhur

  Voto821 Vota
• 

  I riu nga Kavaja që shpëtoi nënë e bir nga qeni

  Një nënë nga Kavaja falenderoi nëpërmjet JOQ një djalë të ri i cili e shpëtoi atë dhe djalin e saj nga kafshimi i një qeni endacak në rrugë.

  Voto214 Vota