Një ngjarje e rëndë është regjistruar pasditen e sotme në Lezhë, ku një i ri ka rënë viktimë e një pengmarrjeje nga dy persona. Sipas të dhënave të para, ngjarja ka ndodhur në parkingun e një lokali, në aksin “Lezhë-Tiranë”, ku dy personat e identifikuar nga policia kanë futur me dhunë të riun në makinën e tyre.
Dyshohet se pengmarrja ka lidhje me një sherr të mëparshëm që ka ndodhur në qytetin e Lezhës. Pas ngjarjes, policia ka nisur një operacion dhe është vënë në ndjekje të dy automjeteve të dyshuarve. Aktualisht, forcat e rendit po punojnë për të arrestuar autorët dhe zbardhur rrethanat e plota të ngjarjes.
