Një banor i fshatit Bletas në Pogradec ka denoncuar pranë redaksisë së JOQ Albania një rast të "asfaltit elektoral". Sipas tij, autoritetet vendore kanë ndërhyrë në rrugën e fshatit me disa masa minimale, duke hedhur një shtresë të vogël betoni në disa pika, ndërsa rruga mbetet e mbushur me gropa dhe e dëmtuar rëndë.
Në videon e dërguar nga denoncuesi, duket qartë se pavarësisht punimeve të pjesshme, rruga vijon të jetë në gjendje të mjerueshme, me gropa të panumërta. Banori shprehet se kjo praktikë përsëritet sa herë afrojnë zgjedhjet, duke akuzuar institucionet për manipulim të qytetarëve me investime të përkohshme dhe sipërfaqësore.
Denoncimi i plotë:
"Përshëndetje JOQ! Jam nga fshati Bletas i Pogradecit. Kjo është rruga e fshatit tonë. Sot erdhën këta të bashkisë, hodhën pak beton në disa vende për t’i hedhur hi syve popullit, se po afrojnë zgjedhjet dhe pastaj të vijnë t’ju kërkojnë votat fshatarëve."
Kjo ndërhyrje vjen vetëm disa javë para zgjedhjeve parlamentare të 11 majit dhe sipas ligjit zgjedhor, investimet publike që mund të ndikojnë votuesit janë të ndaluara në prag të zgjedhjeve. Një praktikë e tillë është denoncuar shpeshherë nga qytetarët në prag të fushatave elektorale, ku bëhen ndërhyrje minimale për të krijuar idenë e investimeve, por që nuk ofrojnë asnjë zgjidhje afatgjatë.
Ndërkohë, rrugët në zonat rurale të Shqipërisë vijojnë të mbeten në kushte të këqija, duke e bërë të vështirë jetën e përditshme të banorëve, veçanërisht në dimër dhe në raste emergjencash. Qytetarët kërkojnë që investimet publike të jenë të qëndrueshme dhe të mos përdoren si mjete elektorale për të siguruar vota në periudha të caktuara.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
JOQ Sondazh
KLIKO PËR TË VOTUAR
Kush meriton të quhet “Heroi i muajit Mars”?
Peshkatari që shpëtoi parashutistin në det
Një i moshuar, peshkatar i shpëtoi jetën ditën e djeshme një parashutisti grek që kishte rënë në det për shkak të një problemi teknik. Pavarësisht kushteve atmosferike, peshkatari nga Vlora mori gomonen e tij dhe doli në det për të shpëtuar parashutistin, i cili kishte mbetur i bllokuar në parashutë
428 Vota
Shqiptarja në Greqi që bashkoi Indritn me familjen
Një shqiptare në Kostur të Greqisë ndihmoi një bashkatdhetar të bashkohej me familjen pasi prej muajsh jetonte i vetëm në një shtëpi të braktisur e rrënuar në Mavrochori. Indrit Veseli prej muajit gusht jetonte në Greqi, pa patur asnjë kontakt me familjen apo ndihmë prej tyre. Falë publikimit në JOQ dhe ndihmës së shqiptares, Indrit u bashkua me familjen
82 Vota
Qytetari që shpëtoi shoferin që humbi ndjenjat në timon dhe u aksidentua
Një qytetar i shpëtoi jetën një shoferi i cili teksa lëvizte me makinë humbi ndjenjat dhe kontrollin e automjetit duke u aksidentuar. Ngjarja ndodhi në mes të Tiranës, por vetëm qytetari vrapoi duke kaluar rrugën për të shpëtuar shoferin, ndërsa të tjerët vazhduan rrugën e tyre sikur asgjë mos të kishte ndodhur
815 Vota
I riu nga Kavaja që shpëtoi nënë e bir nga qeni
Një nënë nga Kavaja falenderoi nëpërmjet JOQ një djalë të ri i cili e shpëtoi atë dhe djalin e saj nga kafshimi i një qeni endacak në rrugë.
