Një aksident i rëndë ka ndodhur mbrëmjen e sotme në aksin Burrel-Komsi, ku një 41-vjeçar ka humbur jetën.
Mësohet se viktimë ka mbetur shtetasi me iniciale E.B., i cili humbi kontrollin e motorit me të cilin udhëtonte dhe doli nga rruga.
Ai u transportua me urgjencë drejt spitalit, por fatkeqësisht nuk mundi dot t'u mbijetonte plagëve të marra.
Njoftimi i Policisë:
Rreth orës 21.40, në aksin rrugor Burrel-Komsi, shtetasi E.B., rreth 41 vjeç, duke drejtuar një motomjet, dyshohet se ka humbur kontrollin mbi drejtimin e tij dhe motomjeti ka dalë nga rruga. Për pasojë drejtuesi i motomjetit ka humbur jetën në spital.
Grupi hetimor në drejtimin e Prokurorisë, po punon për zbardhjen e shkaqeve dhe rrethanave të aksidentit.
