Një qytetar ka denoncuar një rast të pazakontë me bukën që ka blerë në një furrë në Yzberisht, Tiranë. Në një video të dërguar për publikim pranë redaksisë së JOQ, ai tregon se buka e zezë, e cila kushton 1.2€, ka një substancë të çuditshme që ngjit në dorë sapo preket.
“Jo salmonelë, jo fileto pule, por tani edhe buka ka probleme. Çfarë po hamë?” – pyet qytetari i shqetësuar.
Videoja ka ngjallur shqetësim te konsumatori duke nfritur pyetje të tilla si: A është kjo një cilësi e dobët e miellit? A janë përdorur përbërës artificialë ose lëndë ngjitëse të panjohura? Kush po kontrollon cilësinë e bukës që shqiptarët konsumojnë çdo ditë?
Ky denoncim vjen në një kohë kur rritja e çmimeve ka bërë që produktet bazë të bëhen gjithnjë e më të papërballueshme, ndërsa siguria ushqimore mbetet një çështje shqetësuese.
Mesazhi i qytetarit:
"Përshëndetje JOQ! Një tjetër rast shqetësues, jo salmonelë, jo fileto pule, por buka – gjëja më elementare për popullin. Buka e zezë kushton 1.2€ në një furrë buke në Yzberisht, Tiranë. Sapo e preka dhe vura re se më ngjiti në dorë diçka e pazakontë. Çfarë po hamë ne? Anonim!"
