Kushte të rënda atmosferike goditën pjesë të mëdha të Greqisë pasditen e së hënës, 31 mars.
Në veçanti, problemet më serioze janë raportuar në ishujt Ciklade, ku reshjet e dendura kanë shkaktuar dëme të mëdha. Në Paros, veçanërisht në Naoussa, intensiteti i shiut krijoi rrëke të furishme që morën përpara automjete dhe shkaktuan shkatërrime të konsiderueshme materiale.
Një mesazh nga sistemi i alarmit emergjent “112” u dërgua pak para orës 17:30 për personat në ishull, duke ndaluar lëvizjen e automjeteve. “Lëvizja e automjeteve në rrjetin rrugor të Parosit është e ndaluar për shkak të kushteve të rënda atmosferike. Përjashtohen vetëm automjetet emergjente,” thuhej në mesazh.
Ndërkohë, një emigrant shqiptar që jeton atje ka dërguar një video me pamjet apokaliptike të përmbytjeve.
"Pershëndetje JOQ, moti i keq në Naoussa, Paros, Greqi. Videon e kam bërë vetë, jetoj këtu. Faleminderit."
