Këshilli Kombëtar i Territorit dhe Ujit në dy mbledhjet e fundit, 27 shkurt dhe 26 mars 2025, ka miratuar leje ndërtimi për një sërë kullash, kompleksesh, hotelesh e godinash banimi, në Tiranë, Vlorë, Shkodër e jo vetëm.
Nëse do ndaleshim te Tirana, duhet t'ju paralajmërojmë se qiellin dhe diellin nuk do keni mundësi t'i shihni lirisht pasi kulla deri në 53 kate do ndërtohen shumë shpejt. Pavarësisht shqetësimeve të vazhdueshme lidhur me urbanizimin masiv dhe ngarkesën e madhe ndërtimore në kryeqytet, qeveria vazhdon të miratojë leje të tjera pasi ndërtimi si sektori i vetëm ku pastrohen lirisht paratë, nuk di të ndalet e oligarkët as të ngopen.
Për shumë qytetarë ky shembull i vazhdimit të ndërtimit të pa kontrolluar ka çuar tashmë në mbipopullim të zonave urbane dhe ka rënduar trafikun, ndotjen dhe mungesën e hapësirave publike.
Disa prej lejeve të miratuara vetëm në Tiranë:
Leje Ndërtimi për objektin: “Im Rezidence” – Godinë shërbimi dhe banimi 21, 24, 26 kate me 6 kate parkimi nëntokë, me vendndodhje Rrugën Komuna e Parisit, Bashkia Tiranë, me subjekt zhvillues shoqërinë “TDT & Partners” sh.p.k.
Leje Ndërtimi për objektin: “Objekte banimi, zyra, hotel dhe shërbime 7-34 kate mbitokë me 2 kate parkim nëntokë, me vendndodhje në “Bulevardin e Ri”, Bashkia Tiranë, me subjekt zhvillues shoqërinë “Startek” sh.p.k.
Leje Ndërtimi për objektin: “Strukturë banimi dhe shërbimesh 18 kate mbi tokë dhe 3 kate parkim nëntokë”, me vendndodhje në Yzberish, Bashkia Tiranë, me subjekt zhvillues shoqërinë “Euro Beton group” sh.p.k. 14.
Leje Ndërtimi për objektin: “Objekt me funksion banimi dhe shërbimi me 1, 2, 3,17, 18, 19, 20, dhe 21 kat mbi tokë dhe 2 kat nëntokë”, me vendndodhje në Rrugën e Shkodrës, Bashkia Tiranë, me subjekt zhvillues shoqërinë “Xhajs Tirana” sh.p.k.
Leje Ndërtimi për objektin “Godina multifunksionale, 1, 6, 7-12, 26 & 31k”, me 2 kat nëntokë, me vendndodhje në Rrugën “29 nëntori”, Bashkia Tiranë, me subjekt zhvillues shoqërinë “Concord Investment” sh.p.k 31.
Leje Ndërtimi për objektin: “Embassy Tower” – Godinë banimi dhe shërbimi me 47 kate mbi tokë dhe 7 kate nëntokë, me vendndodhje pranë Rrugës së Elbasanit, Bashkia Tiranë, me subjekt zhvillues shoqërinë ”Hanxhari Group” sh.p.k.
Leje Ndërtimi për objektin: “Great Ring Rock” – Godinë banimi dhe shërbimi me 32 kate mbi tokë, me vendndodhje pranë Rruges “Teodor Keko”, Bashkia Tiranë, me subjekte zhvilluese shoqëritë “Albus Invest” sh.p.k dhe “Loraldo” sh.p.k.
Leje Ndërtimi për objektin: “Glow Tower”, Godinë banimi, shërbimi dhe hotelerie 25 kate mbi tokë me 6 kat nëntokë, me vendndodhje në Rrugën “Zenel Bastari”, Bashkia Tiranë, me subjekt zhvillues shoqërinë “Glob 3x” sh.p.k.
Leje Ndërtimi për objektin:“Kulla Parisi i Ri” objekt me funksione komplekse, shërbime, zyra dhe rezidenciale me 35 kate mbi tokë me 5 kate nëntokë, me vendodhje në Bashkinë Tiranë, me subjekt zhvillues “Sara-El” sh.p.k
Leje Ndërtimi për objektin: “Godinë banimi dhe shërbimi 3-23 kate mbi tokë me 4 kate nëntokë”, me vendndodhje në Bashkinë Tiranë, me subjekt zhvillues shoqërinë “Il Bonçe” sh.p.k.
Leje Ndërtimi për objektin: “Godinë banimi dhe shërbimesh 35 kate mbitokë”, me vendndodhje në Bashkinë Tiranë, me subjekt zhvillues shoqërinë “Ksamil Seaview” sh.p.k.
Leje Ndërtimi për objektin: “Split” – Godinë banimi, sherbimi dhe hotelerie 22, 23 dhe 24 kate, me vendndodhje në Rrugën “Myslym Shyri”, Bashkia Tiranë, me subjekt zhvillues shoqërite “artech group” sh.p.k dhe “edonil konstruksion” sh.p.k.
Leje Ndërtimi për objektin: “Godinë multifunksionale “Barcelona Tower” 53 kate mbitokë me 7 kate nëntokë”, me vendndodhje në Bashkinë Tiranë, me subjekt zhvillues shoqërinë “Bami Holding” sh.p.k.
