Policia e Dibrës ka reaguar pas një denoncimi të bërë në JOQ ALBANIA për një mjet që lëvizte kundravajtje në aksin rrugor Bulqizë-Maqellarë.
Drejtuesi i mjetit, tip furgon, me targa AB118LR është gjobitur me 10 000 lekë të rinj, pasi ka kryer një parakalim të gabuar në këtë aks rrugor duke rrezikuar jetën e tij, por edhe drejtuesve të tjerë.
Për fat të mirë, shoferi që u përball me furgonin në parakalim të gabuar ka pasur mundësinë të veprojë me shpejtësi dhe të manovrojë djathtas për të shmangur një përplasje të mundshme.
Njoftimi i policisë:
Reagim i Drejtorisë Vendore të Policisë Dibër
Në lidhje me një video të publikuar në rrjetin social "JOQ Albania", për një automjet furgon, drejtuesi i të cilit kryen parakalim të gabuar në aksin rrugor Bulqizë-Maqellarë, ju informojnë se:
Policia Rrugore e Dibrës, ka kryer verifikimet përkatëse dhe ka vendosur masën administrative 10 000 lekë të rinj, sipas nenit 146 të Kodit Rrugor, ndaj drejtuesit të automjetit.
Drejtoria Vendore e Policisë Dibër falënderon mediat dhe qytetarët që denoncojnë rastet e paligjshmërisë dhe i fton sërish ata që të denoncojnë çdo rast paligjshmërie në numrin 112, duke iu garantuar anonimat të plotë dhe reagim të menjëhershëm.
