Një denoncim urgjent ka mbërritur në redaksinë e JOQ Albania, ku një qytetare raporton për një situatë të rëndë dhe të papranueshme në Urgjencën e QSUT.
Sipas saj, ajo ka mbërritur në spital që në orën 13:00, duke pasur nevojë për ndërhyrje të menjëhershme për apandesit, por edhe pas më shumë se 9 orësh pritje, ende nuk është operuar.
"Asnjë nuk të shërben, të lënë të vuash! Kafshëri! I thashë se vij vetë te skaneri, më thanë se ka procedura dhe duhet të pres barelën. Kam gjithë ditën këtu me dhimbje!" – shprehet qytetarja e revoltuar.
Si është e mundur që një rast urgjent të lihet në mëshirë të fatit për orë të tëra? A ka ndokush përgjegjësi për këtë neglizhencë të rëndë?
