Një aksident i rëndë ka ndodhur pasditen e sotme në aksin rrugor Milot-Thumanë, ku një automjet ka humbur kontrollin dhe është përplasur me trafikndarësen. Si pasojë, tre persona kanë mbetur të plagosur dhe janë transportuar në Spitalin e Traumës për kujdes të specializuar mjekësor.
Mësohet se në automjet ndodhej drejtuesi i mjetit, 34-vjeçari F. N., si dhe dy pasagjerët, E. K., 25 vjeç, dhe L. B., 30 vjeç. Të tre të lënduarit po marrin trajtimin e nevojshëm në spital.
Autoritetet kanë mbërritur në vendngjarje dhe po punojnë për të zbardhur shkaqet e aksidentit.
