Një qytetare ka denoncuar kushtet e rrezikshme të sigurisë ushqimore në Big Market në Laç, duke shpërndarë një video ku tregohet salca e kosit e mykur. Ajo shprehet e shqetësuar për cilësinë e produkteve që ofrohen dhe thekson se mungesa e kontrollit në tregti paraqet një rrezik serioz për shëndetin e konsumatorëve.
Nuk është hera e parë që në redaksinë tonë vijnë mesazhe nga qytetarë të shqetësuar mbi cilësinë e produkteve që blejnë në rrjetin e “Big Market”, por duke qenë se janë nën pronësinë e deputetit të Partisë Socialiste, Vullnet Sina, askush nga autoritet nuk merr masa apo të kryejë kontrolle.
“Blere tek Big Market, ne Lac. Skandaloze çfarë behet kështu. Siguria 0 për konsumatorin. E tmerrshme çfarë po blejmë dhe me çfarë po ushqehemi”-shkruan qytetarja
Konsumatorët shqiptarë po vuajnë pasojat e një zinxhiri të dështuar institucionesh dhe inspektorësh të korruptuar, ndaj të cilëve nuk është marrë asnjë hap ligjor. Të gjendur përballë skandaleve të mëdha që janë zbuluar kohët e fundit ndoshta salca e kosit e mykur në Big Market u duket një problem i vogël autoriteteve që ishin të paaftë të ndalonin tonelatat e mandarinave me pesticide, karameleve me metale apo filetove të pulës me salmonelë.
Një qytetare ka denoncuar kushtet e rrezikshme të sigurisë ushqimore në Big Market në Laç, duke shpërndarë një video ku tregohet salca e kosit e mykur. Ajo shprehet e shqetësuar për cilësinë e produkteve që ofrohen dhe thekson se mungesa e kontrollit në tregti paraqet një rrezik… pic.twitter.com/Zc6S2w7K1e
— JOQ Albania (@JoqAlbania) March 30, 2025
