Ryanair ka arritur një rekord historik në industrinë ajrore, duke regjistruar 200 milionë pasagjerë në vitin 2024. Mes destinacioneve me rritjen më të shpejtë është edhe Shqipëria, e cila po kthehet në një pikë kyçe për turizmin në Evropë.
Në një intervistë për CNN, CEO i Ryanair, Michael O’Leary, e vlerësoi Shqipërinë si një nga tregjet më premtuese për zgjerimin e kompanisë.
“Tregjet tona me rritjen më të shpejtë këtë vit janë Maroku dhe Shqipëria. Këto janë dy destinacionet jashtë BE-së, ku nuk ka tarifa ETS për fluturime. Kjo do të thotë që udhëtimet për në Shqipëri dhe Marok janë më të lira se në Greqi apo Ishujt Kanarie.”
Ky vlerësim vjen vetëm pak muaj pas nisjes së fluturimeve të Ryanair nga Aeroporti Ndërkombëtar i Tiranës, një projekt i Kastrati Group, i cili po sjell më shumë lidhje ndërkombëtare, mundësi për qytetarët dhe rritje ekonomike për vendin.
