Një denoncim shqetësues ka mbërritur së fundmi në redaksinë tonë nga banorët e fshatit Lenie në Gramsh.
Sipas tyre, ndërtimi i një hidrocentrali në këtë zonë nga firma “Vëllezërit Hysa” ka shkaktuar dëme të mëdha në infrastrukturë. Mjetet e rënda që kryejnë punimet kanë shkatërruar rrugën kryesore të fshatit, duke e bërë pothuajse të pakalueshme për banorët.
“Ndertimi i nje ect ne fshatin lenije bashkia gramsh ku ndertusi i firmes te ect jan vllezrit hysaj qe kan shkatru rrugen osh bo e pa kalushme per banort e fshati me makina”, shkruajnë ata.
Në pamjet e mbërritura në redaksi, duken qartë mjetet e tonazhit të rëndë që punojnë edhe në ditët me shi, ndërsa rruga është mbushur me gropa dhe baltë, duke e bërë të vështirë lëvizjen e banorëve.
Banorët i bëjnë thirrje autoriteteve që të ndërhyjnë sa më parë për të zgjidhur këtë situatë dhe për të rikthyer normalitetin në jetën e tyre të përditshme.
