Një incident shqetësues është raportuar sot pranë rrethrrotullimit të Rrogozhinës, ku një furgon pasagjerësh është vërrejtur duke lëvizur në mënyrë të pasigurt në rrugë.
Në pamjet e mbërritura në redaksinë tonë, duket qartë se goma e djathtë e pasme e furgonit lëviz në mënyrë të çrregullt, duke rrezikuar jo vetëm sigurinë e pasagjerëve, por edhe atë të përdoruesve të tjerë të rrugës.
“Përshëndetje JOQ! Ja siguria e automjeteve në Shqipëri. Anonim të lutem”, shkruan një qytetare.
Ky rast ngre shqetësime mbi sigurinë e transportit ndërqytetas me furgon, veçanërisht në një kohë kur aksidentet rrugore vazhdojnë të marrin jetë njerëzish.
