Një ndërtim i ri në rrugën "Mermeri" në Babrru ka shkaktuar kaos në trafik dhe rrezik për qytetarët. Sipas një denoncimi të mbërritur nga banorët e zonës, punimet për ndërtimin e një pallati kanë bllokuar korsinë e makinave në një kthesë, duke detyruar shoferët të dalin në krahun e kundërt të rrugës.
“Po na marrin në qafë çdo ditë! Ky bllokim e ka bërë kthesën shumë të rrezikshme për të gjithë drejtuesit e mjeteve dhe këmbësorët,” shprehet qytetari i shqetësuar.
Sipas tij, kjo situatë është bërë e përditshme dhe askush nuk po merr masa për të zgjidhur problemin. Banorët kërkojnë ndërhyrjen e menjëhershme të autoriteteve për të liruar korsinë dhe shmangur një tragjedi të mundshme.
A do të reagojnë institucionet për të garantuar sigurinë në këtë zonë apo do të presin një aksident që mund të kushtojë jetë?
"Përshëndetje JOQ! Po ndërtohet një pallat te rruga ‘Mermeri’ në Babrru dhe kanë bllokuar korsinë e makinave në kthesë, duke vënë në rrezik qytetarët, pasi detyrohen të dalin në krahun e kundërt. Ju lutem, postojeni se po na marrin në qafë çdo ditë!"
