Mediat lokale në Egjipt kanë raportuar se gjashtë persona kanë vdekur dhe nëntë të tjerë janë plagosur si pasojë e fundosjes së një nëndetëse në Detin e Kuq.
Sipas gazetës lokale Al-Masry Al-Youm, nëndetësja turistike, e quajtur 'Sindbad', ndodhej në zonën Hurghada të Detit të Kuq, ndërsa po përgatitej të nisej për t'u ofruar turistëve një pamje të shkëmbinjve koralorë.
Përafërsisht 44 pasagjerë të kombësive të ndryshme thuhet se kanë hipur në nëndetëse pasi ajo ishte vendosur përpara marinës së një prej hoteleve të famshëm në Hurghada.
Një operacion shpëtimi filloi pasi nëndetësja filloi të fundosej dhe 21 ambulanca u dërguan në vendngjarje së bashku me forcat e sigurisë dhe të shpëtimit. Autoritetet arritën të shpëtojnë 29 nga pasagjerët nga anija dhe nga nëntë të plagosurit në incident, katër thuhet se janë në gjendje kritike për jetën
Sindbad ka kryer udhëtime turistike në zonën e Hurghada për disa vite. Kompania u ofron mundësinë turistëve të udhëtojnë 25 metra thellë në det për të eksploruar shkëmbinjtë koralë dhe gjallesat nënujore.
