Një ngjarje e rëndë raportohet të ketë ndodhur në Tiranë, ku protagonist i së gjithës ka qenë një 27-vjeçar me inicialet E. Gj.
Djali i ri dyshohet se ka abuzuar seksualisht me një vajzë adoleshente të moshës 15-vjeçare, pa dëshirën e kësaj të fundit. Sipas policisë, autori dyshohet se e ka mbajtur atë në banesë duke mos e lejuar që të largohet, dhe gjatë këtij momenti e ka ngacmuar seksualisht.
Në momentin e arrestimit, atij i është gjetur dhe një thikë, që i është sekuestruar.
“Specialistët për Hetimin e Krimeve të Komisariatit të Policisë Nr. 3: arrestuan shtetasin E. Gj., 27 vjeç, pasi dyshohet se ka mbajtur në banesë, pa dëshirën e saj, një 15-vjeçare, të cilën gjithashtu dyshohet se e ka ngacmuar seksualisht. Gjatë kontrollit fizik, të arrestuarit iu gjet një mjet prerës (thikë)”, njofton Policia.
