Një qytetar që po udhëtonte në tunelin e Murrizit ka ngritur shqetësimin mbi praninë e mjeteve të tonazhit të rëndë në këtë aks, dhe mosrespektimin e rregullave të qarkullimit rrugor nga ana e drejtuesve të tyre.
Sipas tij, këto mjete shpesh shkaktojnë trafik të rënduar, veçanërisht pasi parakalimi në tunel është i ndaluar për shkak të gjerësisë së kufizuar, e cila lejon vetëm dy korsi me sense të kundërta lëvizjeje.
“Ec betonieria me 10 km/h në Tunelin e Murrizit, të parakalosh merr gjobë, të rrish këtu... hajde shtyje me këta njerëz”, shprehet denoncuesi.
Respektimi i rregullave të qarkullimit dhe lëvizja sipas shpejtësisë së përcaktuar nga sinjalistika do ta shmangnin këtë problem, duke siguruar një qarkullim më të lehtë për të gjithë.
