Banorët e një pallati në zonën e Astirit po përballen me shqetësime të vazhdueshme për shkak të trafikut të rënduar dhe zhurmave.
Ata raportojnë se hyrja e pallatit të tyre shpesh bllokohet nga automjete të parkuara mbi vijat e bardha, duke krijuar vështirësi në lëvizje dhe duke rrezikuar sigurinë e tyre.
Në një apel drejtuar Policisë së Shtetit dhe Policisë Bashkiake, banorët kërkojnë marrjen e masave sa më shpejt për të zgjidhur këtë problem.
Mesazhi i qytetarit:
“Dëshiroja të ndaja këtë pamje, sepse banojmë këtu dhe kemi shumë shqetësime nga bllokimet e trafikut dhe zhurmat në çdo orar. Ju lutemi, i bëjmë thirrje Policisë së Shtetit dhe Policisë Bashkiake të marrin masa sa më shpejt në Astir.
Siç e shikoni, automjetet janë të parkuara mbi vijat e bardha, pikërisht te hyrja dhe dalja e pallatit tonë, duke na krijuar vështirësi në lëvizje.”
