Familjarët e 44-vjeçarit Fabjol Hysi, me aftësi të kufizuara (shurdh-memec) kofirmuan për JOQ se ndodhet në gjendje kome në spital.
Fabjoli i pafajshëm u bë viktimë e një sulmi të dhunshëm nga dy agresorët Enea Korreshi (17 vjeç) dhe Irdi Nasufi (20 vjeç). Ngjarja e rëndë u bë publike për herë të parë në mënyrë ekskluzive ditën e djeshme nga JOQ Albania.
Dëshmia e autorëve është marrë nga Policia ndërkohë që sot njëri prej familjarëve të 44-vjeçarit konfirmoi për JOQ se autori 17-vjeçar që qëlloi me gur në kafkë të pafajshmin shurdh-memec është lënë i lirë.
Autorët kanë deklaruar se mbrëmjen e 20 marsit janë takuar me 43-vjeçarin, të cilin e njihnin më parë. Pas një shkëmbimi fjalësh, ata kanë thënë se Fabjol Hysi i ka ofenduar dhe e kanë goditur për shkak të këtij ofendimi. Ata kanë thënë se se gjatë dhunës, Hysi ka përplasur kokën në një cep muri.
Policia e Lushnjes ka sekuestruar kamerat e sigurisë në zonë por lajmi nuk u bë me dije deri në momentin e publikimit nga JOQ, pavarësisht se kishte 4 ditë që kishte ndodhur.
Gjykata e Fierit ka caktuar masën e sigurisë “arrest në burg” për 20-vjeçarin Irdi Nasufi dhe “detyrim paraqitjeje” për 17-vjeçarin Enea Korreshi.
