Një ngjarje e rëndë ka ndodhur në orët e para të mëngjesit në Krujë, ku një automjet ka shpërthyer si pasojë e vendosjes së tritolit.
Ngjarja ka ndodhur rreth orës 03:20 në rrugën “Vrana Konti”, ku automjeti tip “Opel Corsa”, në pronësi të 25-vjeçarit Elton Kani, ka pësuar dëmtime në pjesën e përparme për shkak të një sasie të vogël lënde plasëse. Fatmirësisht, nuk ka të lënduar nga shpërthimi, ndërsa motivet e sulmit mbeten ende të paqarta.
Policia dhe grupi hetimor, nën drejtimin e Prokurorisë, po punojnë për të zbardhur rrethanat e ngjarjes.
