Një ngjarje tragjike ka tronditur qytetin Thannhausen në Gjermani, ku një 54-vjeçar dyshohet se ka vrarë bashkëshorten e tij. Sipas raportimeve, çifti është me origjinë nga Rahoveci, por jetonte prej vitesh në Gjermani.
Krimi ndodhi paraditen e së mërkurës, ndërsa autori i dyshuar, një shtetas shqiptar, pas aktit të rëndë ka telefonuar djalin e tij, duke i rrëfyer se kishte vrarë nënën e tij.
“Ta vrava nënën,” mësohet se i ka thënë ai të birit, i cili menjëherë ka lajmëruar policinë. Forcat e rendit dhe ekipet e emergjencës kanë mbërritur në vendngjarje, por fatkeqësisht 55-vjeçarja nuk ka mundur t’u mbijetojë plagëve të marra.
