Një aksident i rëndë automobilistik ka ndodhur në orët e para të mëngjesit të kësaj të premte në rrugën e Prizrenit në Kukës, ku një automjet ka përplasur një ciklomotor duke i marrë jetën drejtuesit të saj.
Bëhet e ditur se rreth orës 07:00, shtetasi me inicialet A.B., i cili po drejtonte një automjet, dyshohet të ketë humbur kontrollin dhe të ketë përplasur ciklomotorin që drejtohej nga shtetasi 51-vjeçar Sadik Murtafi.
Si pasojë e përplasjes ky i fundit mori lëndime të rënda dhe u dërgua fillimisht në spital, por fatkeqësisht nuk mundi t’i mbijetojë lëndimeve që mori.
Policia ka arrestuar 20-vjeçarin dhe ka sekuestruar automjetin e tij. Hetimet e mëtejshme pritet të zbardhin më shumë detaje rreth aksidentit.
Njoftimi i Policisë:
Aksidentoi me pasojë vdekjen, një 51-vjeçar, vihet në pranga 20-vjeçari.
Sekuestrohet automjeti i këtij shtetasi.
Rreth orës 07:00, në rrugën e Prizrenit, shtetasi A. B., 20 vjeç, dyshohet se ka humbur kontrollin mbi automjetin që drejtonte dhe si pasojë është përplasur me ciklomotorin me drejtues shtetasin S. M., 51 vjeç, i cili ka humbur jetën, në spital.
Shërbimet e Policisë kanë shkuar menjëherë në vendngjarje dhe kane arrestuar shtetasin A. B., drejtues i automjetit qe shkaktoi aksidentin.
