Një aksident tragjik ka ndodhur pasditen e sotme në aksin rrugor Klos-Burrel. Shoferi i një automjeti tip furgon, me inicialet L.D., 52 vjeç, ka humbur kontrollin e mjetit, duke dalë nga rruga dhe përplasur një të mitur.
I mituri është transportuar menjëherë në spital për të marrë ndihmën e nevojshme mjekësore. Megjithatë, për shkak të plagëve të rënda, ai nuk ka mundur të mbijetojë, duke humbur jetën pak më vonë.
Ndërkohë, drejtuesi i automjetit është shoqëruar në komisariat, ku po kryhen veprimet e mëtejshme për zbardhjen e plotë të rrethanave të aksidentit.
