Një ngjarje ka ndodhur mesditën e sotme në fshatin Balldre të Lezhës, ku një 60-vjeçar është gjetur i shtrirë në rrugë nga banorët e zonës. Sipas burimeve, ai kishte dëmtime në kokë, ndërsa dyshohet se është rrëzuar aksidentalisht teksa kulloste bagëtitë.
Menjëherë pas njoftimit, shërbimet e emergjencës dhe policia kanë mbërritur në vendngjarje. 60-vjeçari, i identifikuar si S. S., është transportuar në spital, ku ndodhet nën kujdesin e mjekëve.
Ndërkohë, grupi hetimor po vijon punën për të sqaruar rrethanat e sakta të ngjarjes.
