Stanley Tucci thotë se pas trajtimeve të radiacionit dhe kemioterapisë u rikthye në punë por zbuloi se gjëndra e tij tiroide nuk funksiononte më.
Në një intervistë të fundit me David Tennant aktori i serialit “Conclave”, përshkruante sesi ndjehej “shumë i lodhur pasdite pas filmimeve në Itali.
“Ndjehesha krejt i ezauruar që prej orës 1.00 pasdite dhe e dija se kishte diçka që nuk shkonte me mua”, tha Tucci, duke shtuar se një analizë gjaku zbuloi se gjëndra e tij tiroide ishte shkatërruar prej radiacionit.
“Trajtimet e radiacionit e kemioterapisë të pesë viteve më parë kishin djegur tiroiden time”, thotë aktori që kishte kaluar një tumor duke e trajtuar me doza të larta radiacioni dhe kemioterapi.
Vetëm kësaj jave onkologu i tij e informoi se “problemet me tiroiden janë një efekt anësor i trajtimeve të tilla” dhe tani duhet të marrë të tjera mjekime te gjata për normalizimin e tiroides.
64-vjecari mësoi se hormoni gjëndrës tiroide ndikon në çdo qelizë të trupit të njeriut dhe nëse niveli i tyre është i ulët ngadalësohet metabolizmi, që shfaqet në shumë simptoma.
Dr Stuart Sanders, i klinikës britanike London General Practice shton, “Radiacioni në qafë siç ndodhinë rastin e Tucci dëmton funksionin e tiroides dhe gjithashtu mund të dëmtojë gjëndrën pituitare dhe hipotalamusin. Femrat janë më të rrezikuara nga gjendja, ashtu si dhe të moshuarit dhe njerëzit me sëmundje autoimune”, shkruan The Independent.
