Tregu i fruta-perimeve në Gjirokastër vazhdon të funksionojë në kushte të papërshtatshme, pa investime dhe me standarde të ulëta higjieno-sanitare. Produktet shiten në tokë, duke krijuar një kontrast të fortë me pjesën historike të qytetit, i cili tërheq çdo vit mijëra turistë.
Ndërsa pazari i Gjirokastrës dhe zona historike vlerësohen për trashëgiminë dhe autenticitetin e tyre, tregu i fruta-perimeve nuk i përmbush as standardet bazë të një mjedisi të sigurt për tregtim. Përveç pamjes së tij të padenjë, ai paraqet edhe një rrezik për sigurinë ushqimore.
Tregtarët që ende ushtrojnë aktivitetin e tyre në këtë treg e cilësojnë situatën të papranueshme dhe kërkojnë ndërhyrje urgjente. Megjithatë, nga ana e bashkisë mungojnë sqarimet dhe një plan konkret për përmirësimin e gjendjes
