Familja Thaçi ka hapur dyert për homazhe pranë arkivolit të Haxhi Thaçit, babait të ish-presidentit Hashim Thaçi, i cili vdiq më 16 mars.
Në homazhet që po mbahen në Skenderaj e pranishme është edhe nëna e Thaçit.
Kujtojmë se Haxhi Thaçi u nda nga jeta pas takimit të shumëpritur me Hashimin, i cili po vazhdon të gjykohet në Hagë.
Në mesin e qytetarëve që janë mbledhur nga të gjitha trojet shqiptare, për të ofruar ngushëllime, ka pasur një numër të madh personalitetesh të njohura dhe familjarë të afërt të familjes Thaçi.
