Një sulm me armë zjarri automatik ka ndodhur në mëngjesin e kësaj të martë në autostradën Tiranë-Durrës.
Persona ende të paidentifikuar kanë qëlluar mbi 20 plumba në drejtim të godinës së subjektit farmaceutik CFO Pharma, një kompani që i përket biznesmenit oligark Nadir Caulloshi.
Godina është sulmuar në pjesën e fasadës, ku janë shkaktuar dëmtime të dukshme, por shkaku ende nuk dihet.
Autoritetet janë angazhuar në hetimin e incidentit dhe përpjekjet për të identifikuar autorët e këtij sulmi vazhdojnë.
CFO PHARMA është një prej kompanive që ka përfituar transaksione me vlerë miliarda lekë nga Institucionet Buxhetore të Shtetit për shërbime në sektorin shëndetësor. Por në korrikun e vitit 2024, “CFO Pharma” u ndalua nga tenderët për një periudhë 6 mujore, pasi u zbulua se kishte mashtruar në dokumentacionin e saj për të siguruar kualifikimin në tendera publikë.
