Qindra qytetarë u mblodhën sot në parkun e qytetit të Koçanit për të protestuar pas ngjarjes tragjike që ka tronditur thellë komunitetin.
Me pankarta ku shkruhej “Dhimbje e pashëruar”, “Nuk vdesim nga fatkeqësitë, vdesim nga korrupsioni” dhe “Vrasja e rinisë është vrasja e ardhmërisë”, protestuesit shprehën indinjatën e tyre dhe kërkuan dorëheqjen kolektive të të gjithë zyrtarëve përgjegjës.
Protesta pasqyroi zemërimin e qytetarëve, të cilët e konsiderojnë këtë tragjedi si rezultat të dështimeve institucionale dhe mungesës së përgjegjësisë.
