Një zjarr i madh ka përfshirë godinën e vjetër të shkollës private "Ahmet Dakli" në lagjen 'Kala' të Elbasanit, duke shkaktuar panik mes qytetarëve.
Pamjet e siguruara nga qytetarët tregojnë se flakët kanë përfshirë një pjesë të madhe të godinës, ndërsa tymi i dendur ka mbuluar zonën përreth.
Forcat zjarrfikëse janë në vendngjarje dhe po punojnë për shuarjen e flakëve. Fatmirësisht, nuk raportohet për persona të lënduar, ndërsa godina ku ka rënë zjarri ka qenë jo-funksionale.
Mësohet se para viteve 90-të godina ka funksionuar si shkolla 8 vjeçare “Kostandin Kristoforidhi”, ndërsa më pas ka funksionuar si shkolla private “Ahmet Dakli”.
Ende nuk dihen shkaqet e rënies së zjarrit.
