Një rast shqetësues është raportuar mbrëmjen e sotme në redaksinë e JOQ Albania, ku një 40-vjeçar rezulton i humbur prej tetë ditësh, ndërsa familjarët bëjnë thirrje për ndihmën e qytetarëve në gjetjen e tij.
Bëhet fjalë për shtetasin Elmi Velija, banues në Mushqetë të Krrabës. Ai është larguar nga banesa më 7 mars, rreth orës 15:00 të pasdites, dhe që nga ajo ditë familja nuk ka asnjë informacion mbi vendndodhjen e tij.
Të afërmit kanë bërë denoncimin pranë policisë, por deri më tani nuk kanë marrë ndonjë informacion të qartë mbi fatin e tij. Të shqetësuar, ata kanë kërkuar ndihmën e qytetarëve për ta gjetur 40-vjeçarin.
Kushdo që ka informacion mbi vendndodhjen dhe fatin e tij, mund të kontaktojë në numrin: 0684787619.
