Campi Flegrei, një zonë vullkanike pranë Napolit, ka përjetuar një rritje të aktivitetit sizmik gjatë ditëve të fundit, duke përfshirë një tërmet me magnitudë 4.4.
Ky aktivitet i fundit është më i forti në 40 vjet, pas një dridhjeje të ngjashme në maj, që çoi në evakuimin e qindra banorëve dhe të burgosurve në Pozzuoli, si dhe mbylljen e shkollave. Banorët janë paralajmëruar për mundësinë e evakuimeve të tjera, nëse aktiviteti vazhdon.
Për të përballuar situatën, qeveria italiane ka ndarë 500 milionë euro për evakuime dhe përforcimin e ndërtesave. Campi Flegrei është një krater vullkanik aktiv, më i madhi në Evropë, dhe shpërthimi i tij i fundit ka ndodhur në vitin 1538. Tani, një grumbullim i magmës dhe gazet nën sipërfaqe ka shkaktuar një rritje të aktivitetit sizmik dhe fenomenin e bradyseism, ku toka ngrihet dhe bie.
Edhe pse shkencëtarët vlerësojnë se një shpërthim i ri është i pamundur në afat të shkurtër, banorët e zonës së kuqe, që ndodhen pranë Campi Flegrei, jetojnë me frikë se mos ndodh ndonjë shpërthim.
