Një aksident tragjik është regjistruar në aksin rrugor Shkodër – Koplik, në afërsi të fshatit Çezme, në Koplik të Malësisë së Madhe.
Sipas informacioneve paraprake, një automjet është përplasur me një ambulancë.
Viktima e aksidentit është identifikuar si Abaz Kuka, 55 vjeç, drejtues i automjetit që ka pësuar përplasjen. Dy pasagjerë të tjerë që ndodheshin në automjet kanë arritur të shpëtojnë dhe janë jashtë rrezikut për jetën.
Forcat e policisë kanë mbërritur menjëherë në vendngjarje për të kryer hetimet e nevojshme. Akoma nuk dihen shkaqet e aksidentit, por autoritetet po punojnë për sqarimin e plotë të ngjarjes.
