Një aksident tragjik ka ndodhur të martën e 11 marsit në veri të Italisë, ku një 65 vjeçar shqiptar ka humbur jetën pas një aksidenti të papritur në autostradë.
Aksidenti i rëndë i pasdites së djeshme i kushtoi jetën Xhavit Halilaj, i cili punonte për një kompani në San Vendemiano në rajonin verior të Veneto, dhe kishte ndaluar me kamionçinën e tij në korsinë e emergjencës së bashku me një makinë tjetër.
Dy shoferët kanë qenë jashtë makinave për të kontrolluar një problem me mjetet, kur një kamion që vinte në drejtimin e tyre i ka goditur.
Mjekët nuk mund të shpëtonin shqiptarin i cili humbi jetën menjëherë në vendin e ngjarjes. Tre persona të tjerë ndërkohë u plagosën por sipas informacioneve, nuk ndodhen në rrezik për jetën.
Shkaqet e aksidentit të rëndë po hetohen nga policia, shkruajnë mediat.
