Një 54-vjeçar nga Elbasani është arrestuar nga policia pasi akuzohet se ka vjedhur makinën e vëllait të tij 52-vjeçar. Ky i fundit e denoncoi ngjarjen, duke deklaruar se automjeti i tij tip “Range Rover” ishte vjedhur gjatë natës së kaluar në lagjen “Beqir Dardha”.
Pas kallëzimit, policia arriti të lokalizojë makinën në lagjen “Luigj Gurakuqi”, ku u kap në flagrancë autori i dyshuar, shtetasi T. H., i cili po qarkullonte me automjetin e vjedhur.
54-vjeçari u arrestua për veprën penale “Vjedhja”, ndërsa materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan për veprime të mëtejshme.
