Një 20-vjeçar dhe dy të mitur janë arrestuar në Shkodër, pasi dyshohet se kanë grabitur një berberhane.
Bëhet fjalë për 20-vjeçarin me inicialet K. P. dhe dy 17-vjeçarë.
Sipas denoncimit të pronarit të berberhanes tre të rinjtë vodhën çantën me para dhe sende personale të një klienti brenda subjektit. Pas identifikimit dhe kapjes, ata u ndaluan nga policia për veprimet e mëtejshme ligjore.
Materialet procedurale iu referuan Prokurorisë së Shkodrës, dhe të arrestuarit do të përballen me akuzën për “Vjedhje”, kryer në bashkëpunim.
