Banorë të Tapizës në rrethin e Krujës denoncuan sot gjendjen e shkatërruar të rrugës së fshatit e cila mbetet prej vitesh e pashtruar, duke u kthye në një barrë të rëndë për këmbësorët dhe automjetet që duhet të kalojnë në zonë.
Duke komentuar pamjet e dërguara në redaksi, vendasit me të drejtë thonë se nuk mund të kalojnë dot në këmbë pa u baltosur, ndërsa ata me automjete rrezikojnë dëme të rënda nga gropat e mbuluara prej baltës.
Neglizhimi i autoriteteve në shtrimin e rrugës në Tapizë ka shkaktuar zemërim te banorët që nuk e kuptojnë përse refuzohen shqetësimet e tyre nga zyrtarët që kanë zgjedhur.
Taksapaguesit bëjnë apel për veprim nga autoritetet drejtuese në krijimin e kushteve minimale të qarkullimit dhe ndalim të abuzimit me fondet dhe besimin e qytetarëve, çka u shkakton atyre vazhdimisht dëme të panevojshme.
Mesazhi i qytetarit:
“Aman boni nje gjo se nuk ja dilet kshtu. Makinat u ben copa, ne ‘kembesoret’ duhet me hec ne maje tgishtave, me kalu do ruhena mos me u bo pis, katastrofe dmth, vendi ne Tapize”.
