Një qytetare, pronare e një dyqani rrobash për fëmijë, në zonën e Astirit, Tiranë, i është drejtuar redaksisë tonë për të denoncuar një rast magjie para biznesit të saj.
Nëpërmjet kamerave të sigurisë, ajo ka arritur të shohë momentin kur një vajzë, e re në moshë dhe jo banore e zonës, djeg disa shkrepëse te shkallët e dyqanit.
Për disa minuta, vajza duke parë kamerat e sigurisë, ka djegur disa paketime shkrepësesh dhe më pas ka fshirë shkallët dhe është larguar.
Pronarja e dyqanit e shqetësuar nga këto pamje, ka pyetur në lagje për vajzën, por askush s'e njeh.
Ajo ka frikë se vajza mund t'i ketë bërë magji edhe pse nuk e kupton dot shkakun apo arsyen.
