Qindra studentë protestues kanë bllokuar mbrëmë ndërtesën e televizionit publik në Beograd që akuzohet për propagandë dhe njëanshmëri me qeveribnë e Aleksandër Vuçiç.
Tensionet vijnë para protestës madhore që pritet në fundjavë pas disa muajsh demonstratash anti-qeveritare.
Studentët fillimisht bllokuan mbrëmë ndërtesën e televizionit në qendër të Beogradit duke njoftuar se bllokada do të zgjasë 24 orë.
Ndërkohë njoftohet se punonjësit e televizionit kanë hyrë nga një tjetër kalim dhe programet kanë vazhduar të pandërprera deri mëngjesin e sotëm.
Studentët e universiteteve janë në krye të çdo proteste në Serbi që prej nisjes së lëvizjes në nëntor, kur shembja e tavanit të një stacioni hekurudhor në Novi Sad vrau të paktën 15 njerëz. Protestuesit bëjnë me faj qeverinë e korruptuar të Vuçiç për degradimin e kushteve të jetesës dhe demokracisë në vend.
Protesta madhore e të shtunës në Beograd pritet të jetë vendimtare për qeverinë e Vuçiç, i cili ka kërcënuar se “ata që do të përpiqen të arrijnë diçka me anë të dhunës do të arrestohen”.
Por të gjitha protestat e studentëve muajt e fundit kanë qenë paqësore, përveç grupeve provokuese që kanë sulmuar disa herë studentët.
Vuçiç me partinë progresive mbajnë pushtetin me dorë të hekurt prej një dekade megjithë akuzat e shtypjes së lirive.
Studentët bllokuan mbrëmë ndërtesën e televizionit në qendër të Beogradit duke njoftuar se bllokada do të zgjasë 24 orë.
