Minatorët e kompanisë “AlbChrome” në Bulqizë, e cila administrohet nga një kompani turke kanë bojktouar punën dhe kanë dalë në protestë.
Ata thonë se firma turke që i menaxhon nuk ka zbatuar kontratën për rritjen e pagave e po ashtu nuk ka dhënë shtesën prej 4 përqind të inflacionit. Sipas tyre kompania do t’i detyrojë që të punojnë edhe të shtunave.
Minatorët shprehen se sindikatat nuk i përfaqësojnë dhe as nuk i dëgjojnë ankesat e tyre pasi janë bërë palë me kompaninë.
Pak ditë më parë protesta të ngjashme u zhvilluan edhe nga metalurgët e uzinës së ferrokromit në Burrel, të cilët akuzuan kompaninë për shkelje të kontratës së punës.
